शेयर बजार दोहोरो अङ्कले घट्यो, कारोबार रकम ७ अर्ब पनि पुगेन

आइतबार कारोबार रकममा पनि गिरावट आएको छ। गत कारोबार दिन अर्थात् बुधबार आठ अर्ब २३ करोडको सेयर कारोबार भएकोमा आइतबार ६ अर्ब ८३ करोडको कारोबार भएको छ। यो रकम अघिल्लो दिनको तुलनामा एक अर्ब ४० करोड रूपैयाँ कमी आएको हो।

आज ३१६ वटा धितोपत्रको एक करोड ३९ लाख ७४ हजार ४५२ कित्ता सेयर किनबेच भएको हो। आज सामुदायिक लघुवित्त वित्तीय संस्था, विशाल बजार कम्पनीको सेयरमूल्य पाँच प्रतिशतभन्दा बढीले वृद्धि भएको छ ।कारोबारमा आएका १३ समूहगत परिसूचकमध्ये व्यापार समूहको परिसूचकमात्र वृद्धि भएको छ । बाँकी सबै समूहको परिसूचक घटेको छ ।